2026 жылдың 17 ақпанында "Байкен Әшімов атындағы Петропавл машина жасау және көлік колледжі " КМҚК "М.Айтхожин атындағы №1 орта мектебі" КММ 9 сынып оқушыларына кәсіби бағдар беру экскурсиясы өтті. Экскурсияның мақсаты-жұмысшы мамандықтарын дәріптеу. Оқушылар колледждің сұранысқа ие мамандықтарымен, сондай-ақ оның заманауи материалдық-техникалық базасымен танысты. Кездесу барысында оқушылар өздерін қызықтырған сұрақтарын белсенді түрде қойып, оларға жан-жақты және мазмұнды жауаптар алды.

2026 жылғы 17 ақпанда 1-курс студенттеріне тың «Закладчики. Мать» деректі фильмін көру ұйымдастырылды. Іс-шара Солтүстік Қазақстан облысы Қоғамдық даму және ақпарат орталығының жастар саясаты бөлімінің мамандары бастамасымен «Заң және тәртіп» республикалық идеологемасы аясында өткізілді. Фильм көрсетілімінен кейін бейнематериал бойынша талқылау ұйымдастырылды. Жастардың құқықтық сауаттылығы, заңға саналы көзқарас және жеке жауапкершілік мәселелері көтерілді.

2026 жылғы 17 ақпанда «Автомобиль көлігіне техникалық қызмет көрсету, жөндеу және пайдалану» мамандығы апталығы аясында Петропавл машина жасау және көлік колледжі базасында «Автомобиль құрылысы» пәні бойынша тақырыптық ойын-викторина өтті. Іс-шараға ТР-11 тобы қатысып, 5 адамнан тұратын екі командаға бөлінді. Командаларға іштен жану қозғалтқышының құрылысы мен жұмыс істеу принципі бойынша сұрақтар ұсынылды. Дұрыс және жылдам жауап бергендерге ұпайлар берілді. Викторинаның негізгі мақсаты – студенттердің автомобильдің құрылысы, тораптары мен агрегаттары саласындағы білім деңгейін бағалау және арттыру, сондай-ақ командалық өзара әрекеттестікті қалыптастыру және теориялық білімдерін бекіту болды.

Көрсетілімдік сот процестері құқықтық ағартудың және құқық бұзушылықтардың алдын алудың құралы ретінде, көбіне жастардың қатысуымен өткізіледі. Осылайша, 2026 жылғы 16 ақпанда Байкен Әшімов атындағы Петропавл машина жасау және көлік колледжінің студенттері қоғамдық тәртіпті өрескел бұзу, яғни қоғамға анық құрметсіздік таныту фактісі бойынша бұзақылық жасаған тұлғаларға қатысты қылмыстық іс жөніндегі көрсетілімдік сот процесінің трансляциясына шақырылды. Сот отырысы басталар алдында студенттерге сот талқылауына себеп болған бұзақылық әрекеттер бейнеленген бейнеролик көрсетілді. Айта кету керек, көрсетілімдік сот процесіне қатысу студенттердің құқықтық сауаттылығын қалыптастыруға, өз іс-әрекеттері үшін жауапкершілік сезімін дамытуға және заң нормаларына құрметпен қарауға ықпал етедi.

2026 жылғы 16 ақпанда Б.Әшімов атындағы Петропавл машина жасау және көлік колледжінде «Автомобиль көлігіне техникалық қызмет көрсету, жөндеу және пайдалану» мамандығы апталығы аясында ТР-31 оқу тобында «Автомобильдерге техникалық қызмет көрсету және жөндеу» пәні бойынша зияткерлік ойын өткізілді. Іс-шара бітіруші курс студенттерінің кәсіби білімдерін тексеру және бекіту, сондай-ақ автокөлік құралдарына техникалық қызмет көрсету мен жөндеу саласында техникалық ойлау қабілетін қалыптастыру және дамыту мақсатында ұйымдастырылды. Зияткерлік ойын салауатты бәсекелестік пен кәсіби қызығушылық атмосферасында өтті. Ол студенттердің болашақ еңбек қызметіне деген ынтасын арттыруға және кәсіби құзыреттерін жетілдіруге ықпал етті.