2025–2026 оқу жылындағы Еңбек күніне арналған іс-шаралар жоспары аясында Байкен Әшімов атындағы Петропавл машина жасау және көлік колледжінде «СББ станоктарындағы фрезерлік жұмыстар» құзыреттілігі бойынша мастер-класс ұйымдастырылды.

Мастер-класс СББ зертханасында оқу-өндірістік жұмыстар жөніндегі директордың орынбасары П.В.Сенькин және «СББ станоктарындағы токарлық жұмыстар» құзыреттілік орталығының жетекшісі М.М.Сущиктің жетекшілігімен өтті.

Іс-шараға бітіруші топтың студенттері: Кривушин Александр, Шабанов Василий, Бахвалов Данил қатысты. Қатысушылар заманауи жабдықтарда жұмыс істеу дағдыларын көрсетіп, бөлшектерді өңдеу технологиялық процесін таныстырып, өз тәжірибелерімен бөлісті.

Мастер-класс 2-курс студенттеріне арналды.

Шустова Т.А. – директорды ОТЖ жөніндегі орынбасары

2025 жылғы 24 қыркүйекте Байкен Әшімов атындағы Петропавл машина жасау және көлік колледжінің студенттері үшін сыбайлас жемқорлыққа қарсы мәдениетті қалыптастыруға арналған диалог алаңы ұйымдастырылды.

Іс-шара Петропавл қаласы әкімі аппараты ішкі саясат бөлімі мен «Демеу» бала мәселелері жөніндегі үйлестіру орталығы» ЖКЕМ әлеуметтік тапсырысы аясында өтті. Оған 130 студент қатысты.

Спикер С.Н.Зайцева «Сыбайлас жемқорлық – құқықтық және әлеуметтік жағымсыз құбылыс» тақырыбында баяндама жасады. Ашық диалог барысында сыбайлас жемқорлыққа қарсы іс-қимылдың жолдары, бұл құбылыстың пайда болу себептері мен жағдайлары, жастардың сыбайлас жемқорлыққа қарсы мәдениетті қалыптастырудағы рөлі талқыланды.

Спикер Л.А.Трошина «Діни экстремизм мен терроризмге қарсы іс-қимыл: жастардың радикалдануының алдын алудағы отбасының рөлі» тақырыбын ашып көрсетті. Діни қауіпсіздік мәселелері, деструктивті идеологиялардың жастарға әсері, сондай-ақ отбасылық тәрбиенің радикалды көзқарастарға төзімділікті қалыптастырудағы маңызы қарастырылды.

Жастар тәрбиесінің идеалы – «Адал азамат». Бұл адал еңбекті және қоғамдық игілікті бірінші орынға қоятын, әділ де адал азаматтарды тәрбиелеуге ықпал етеді. Мұндай азаматтарды қалыптастыру жауапкершілік пен адалдық, еңбекқорлық пен кәсібилік, жасампаздық пен жаңашылдық сияқты құндылықтарды дамыту арқылы мүмкін болады.

Подоляник А.А. – жастар ісі жөніндегі инспектор

2025 жылдың 23 қыркүйегінде Бәйкен Әшімов атындағы Петропавл машина жасау және көлік колледжінде Б-11 тобы үшін «Буллинг және кибербуллинг» атты маңызды тақырыпта сабақ ұйымдастырылды.

Студенттер мынадай мәліметтер алды: ▪ буллингтің не екені және оның онлайн түрі – кибербуллинг туралы; ▪ Қазақстан Республикасының осындай көріністерден әрбір азаматты қорғайтын заңдары жайлы; ▪ егер өзіңіз немесе достарыңыз агрессияға тап болсаңыз, қалай әрекет ету керектігі жөнінде.

Студенттермен бірге буллингке қарсы күрес ережелері жасалды. Бұл ережелер ұжымда қауіпсіз әрі достық ахуал қалыптастыруға көмектеседі.

Дылдина П.А. – әлеуметтік педагог

2025 жылдың 23 қыркүйегінде "Жастар" стадионында Байкен Әшімов атындағы Петропавл машина жасау және көлік колледжінің студенттері арасында күзгі кросс өткізілді. Жарыс колледжде жеңіл атлетиканы одан әрі дамыту, дене шынықтыру мен спортты насихаттау, студенттердің дене дайындығын анықтау мақсатында өткізілді.

Жарыс төрешісі ұлдар мен қыздардың басталу тәртібі мен қашықтығын түсіндірді. Студенттер 1000 және 500 метр қашықтықты бағындырды.

Жарыс аяқталғаннан кейін 1 курс арасында орындар келесідей бөлінді:

Ұлдар арасындағы жеке біріншілікте: 1 орын –Нуркеев Альтемир Э-11 тобы; 2 орын – Станьков Владислав Л-11 тобы; 3 орын – Вельк Денис ЭМ-11 тобы.

Командалық біріншілікте: 1 орын – С-12 тобы; 2 орын – Л-11 тобы; 3 орын – ТР-12 тобы

2-3 курс арасында: Ұлдар арасындағы жеке біріншілікте: 1 орын – Иванцов Никита Л-31 тобы; 2 орын – Гегеня Иван ТМ-41 тобы; 3 орын – Заруба Альберт Л-21 тобы;

Командалық біріншілікте: 1 орын – Л-32 тобы; 2 орын – Л-31 тобы; 3 орын – Л-21 тобы.

Колледж қыздары арасындағы жеке біріншілікте: 1 орын – Ралло Ангелина ПО-21 тобы; 2 орын – Усугалиева Татьяна Б-21 тобы; 3 орын – Ращинина Алена Б-11 тобы.

Жеңімпаздар мен жүлдегерлер тиісті дәрежедегі грамоталармен және медальдармен марапатталды. Ең мықтылары "Сұңқар" облыстық спартакиадасына іріктеліп алынды, онда біздің колледждің намысын қорғайтын болады.

Спортшыларымызды құттықтаймыз және одан әрі жеңістер тілейміз!

2025 жылғы 23 қыркүйекте Бәйкен Әшімов атындағы Петропавл машина жасау және көлік колледжінің оқытушылары, қызметкерлері, персоналы мен студенттері үшін сыбайлас жемқорлыққа қарсы сананы қалыптастыруға бағытталған ақпараттық кездесу ұйымдастырылды.

Шақырылған спикерлер:

Жұмабек Жанат Серікұлы – «Жаңару» жалпыұлттық сыбайлас жемқорлыққа қарсы қозғалысы» РҚБ СҚО филиалы директорының орынбасары.

Насиров Рустам Хыдырович – облыс прокурорының аға көмекшісі.

Манбетеев Рустам Кереевич – СҚО ПД жеке құраммен жұмыс басқармасы бастығының орынбасары, полиция подполковнигі.

Джемалединова Инна Михайловна – Манаш Қозыбаев атындағы Солтүстік Қазақстан университетінің бас комплаенс-офицері.

Кездесудің модераторы – «Жаңару» жалпыұлттық сыбайлас жемқорлыққа қарсы қозғалысы» РҚБ СҚО филиалының директоры Темиргали Текебасович Абильмажинов.

Ашық диалог алаңы форматында өткен іс-шара барысында мына мәселелер қаралып, талқыланды: халықтың құқық қорғау органдарына деген сенімін арттыру; азаматтардың сыбайлас жемқорлыққа қарсы санасын қалыптастырудың негізі ретінде құқықтық сауаттылық; қазіргі қоғамдағы жемқорлықты жою шаралары; білім беру ұйымындағы комплаенс қызметі – сыбайлас жемқорлықпен күрестің алдын алу әдістерінің бірі ретінде.

Тарих және қазақстандық құқық пәнінің оқытушысы Ирина Александровна Сергеева жастар арасында құқықтық клуб «Саналы ұрпақ» қызметі мысалында сыбайлас жемқорлыққа қарсы мәдениетті қалыптастыру тәжірибесімен бөлісті.