Психикалық денсаулық онкүндігі аясында 2025 жылдың 16 қазанында Байкен Әшімов атындағы Петропавл машина жасау және көлік колледжінде «Психикалық денсаулық туралы мифтер» атты интерактивті дәріс өтті. Іс-шараның мақсаты – студенттердің психологиялық сауаттылығын арттыру және психикалық саулық туралы кең таралған стереотиптерді жою болды. Қатысушылар әртүрлі психологиялық тұжырымдардың шынайылығына немесе жалғандығына өз пікірлерін білдіріп, психикалық тұрғыдан сау адамның бейнесін жасап, күнделікті өмірде өз эмоциялық жағдайын қалай сақтауға болатынын талқылады. Іс-шара студенттерге психикалық денсаулыққа қамқорлық өзіңді қабылдаудан, ашық қарым-қатынастан және өз сезімдеріңе назар аударудан басталатынын түсінуге мүмкіндік берді. Өйткені өзіңді тану – ішкі үйлесім мен ертеңге деген сенімділіктің алғашқы қадамы.

2025 жылдың 16 қазанында Байкен Әшімов атындағы Петропавл машина жасау және көлік колледжінің студенттері «Адам құқықтары» тақырыбындағы бейнеконференцияға қатысты. Дәрісті Солтүстік Қазақстан облысы бойынша адам құқықтары жөніндегі уәкілдің өкілі Жанат Женисович Жумабаев өткізді. Іс-шара барысында құқықтық сауаттылықты арттыру, азаматтардың құқықтарын қорғау және адам құқықтары жөніндегі органдарға жүгіну тетіктері туралы маңызды мәселелер талқыланды. Мұндай кездесулер студенттердің құқықтық сауаттылығын арттыруға және жастардың белсенді азаматтық ұстанымын қалыптастыруға ықпал етеді.

Дылдина П.А. – әлеуметтік педагог

2025 жылғы 15–16 қазанда Петропавл машина жасау және көлік колледжінің Д-41 тобының студенті Қарабалин Салават Астана қаласындағы Көлік және коммуникация жоғары колледжі базасында өткен халықаралық қатысумен ұйымдастырылған «Rail Traffic ProSkills» республикалық кәсіби шеберлік байқауына қатысты. Байқау техникалық және кәсіптік білім беру ұйымдарының «Теміржол көлігінде тасымалдауды ұйымдастыру және қозғалысты басқару» мамандығы бойынша «Теміржол станциясының кезекшісі», «Тасымалдауды ұйымдастыру технигі» біліктілігіне оқитын студенттер арасында өтті. Жарысқа Астана, Ақтөбе, Павлодар, Қарағанды, Актөбинск, Шымкент, Қазалы және Ташкент (Өзбекстан) қалаларындағы техникалық колледждер мен техникумдардың 11 студенті қатысты. Байқау 4 практикалық модульден тұрды. Әр модуль қатысушылардың «Теміржол станциясының кезекшісі» біліктілігі бойынша жалпы міндетті және кәсіби құзыреттерін, іскерліктері мен дағдыларын меңгеру деңгейін көрсетуге бағытталды.

2025 жылғы 15 қазанда Б.Әшімов атындағы Петропавл машина жасау және көлік колледжінде «Тәуелсіздік – еліміздің еркіндігі» тақырыбында колледж студенттері арасында пікірсайыс турнирі өтті. Іс-шараның мақсаты – студенттердің сыни тұрғыдан ойлау, көпшілік алдында сөйлеу және белсенді азаматтық ұстаным дағдыларын дамыту болды. Пікірсайыс барысында студенттер еліміздің әлеуметтік және экономикалық дамуының өзекті мәселелерін, азаматтық жауапкершіліктің және ұлттық бірліктің маңыздылығын талқылады. Қатысушылар жоғары дайындық деңгейін, өз пікірін дәлелмен жеткізе білу қабілетін және қарсыластарына деген құрметін көрсетті.

2025 жылдың 15 қазанында Байкен Әшімов атындағы Петропавл машина жасау және көлік колледжінің жатақханасында «Күзгі палитра» атты ойын-сауық бағдарламасы ұйымдастырылып, өткізілді. Іс-шараның мақсаты – студенттердің шығармашылық қабілеттерін дамыту, әсемдік сезімін, мәдениетті мінез-құлықты тәрбиелеу болды. Қатысушылар «Егін жина», «Ағашты безендір», «Картоп» сияқты күзгі сайыстарда өз өнерлерін, ептіліктері мен таланттарын көрсетті. Шара мерекелік көңіл күй сыйлап, жылы да қуанышты атмосфера қалыптастырды. Музыкалық нөмірмен Ботабек Ескендір өнер көрсетті.