2023 жылғы 15 желтоқсанда Б. Әшімов атындағы Петропавл машина жасау және көлік колледжінде "Менің Отаным - Тәуелсіз Қазақстан"атты кураторлық сағат өткізілді. Іс-шараның мақсаты: студенттерде патриотизмге тәрбиелеу, мемлекетке құрметпен қарауды дамыту, халықтың әдет-ғұрыптарына, салт-дәстүрлеріне оң көзқарасты қалыптастыру, Отан тағдырына қатыстылық сезімін дамыту.

Кураторлық сағаттың басында оқиғалардың бейнепрезентациясы және Қазақстан Республикасы Тәуелсіздігінің қалыптасу шежіресі ұсынылды. Балалар бейнені мұқият қарап, Қазақстанның айтулы күндері туралы әңгімелерімен толықтырды.

Қазақстанның тарихымен, мәдениетімен және әдебиетімен байланысты викторина сұрақтарына қуана жауап берілді.

Тәуелсіздіктің 32 жылының қорытындыларын талдай отырып, Қазақстан Республикасы тәуелсіз ұлттық мемлекеттіліктің өзіндік бірегей моделін құра алғанын көреміз.

Садыкова Д. Т. - Қазақ тілі мен әдебиеті пәнінің оқытушысы

2023 жылғы 15 желтоқсанда Байкен Әшімов атындағы Петропавл машина жасау және көлік колледжінде "Жастар және бизнес" TDX форматында мотивациялық кездесу ұйымдастырылды.

Сабитов Салимхан, Солтүстік Қазақстан облысы облыстық жастар ресурстық орталығының жұмысқа орналастыру жөніндегі нұсқаушысы және мүмкіндігі шектеулі жандарға арналған Қазақстандағы алғашқы автомектептің негізін қалаушы және "Отбасы Банк"АҚ қаржы кеңесшісі Ташимова Ризагуль шақырылды.

Іс-шара диалог алаңы түрінде өтті. Студенттер қызықты және қолжетімді түрде жастар кәсіпкерлігін қолдаудың мемлекеттік бағдарламалары, шағын бизнесті құру және оны несиелеу ерекшеліктері туралы толық ақпарат алды. Сондай-ақ, қонақтар өз бизнес идеяларын жүзеге асырудағы тәжірибелерімен бөлісті.

Подоляник А.А- жастар ісі жөніндегі инспектор

#студенттікпарламент

#студенческийпарламент

#студенттік_парламент

#студенческий_парламент

2023 жылғы 14 желтоқсанда Байкен Әшімов атындағы Петропавл машина жасау және көлік колледжінің кітапханасында "Оқу колледжі" тұжырымдамасы аясында Қазақстан Республикасының Тәуелсіздік күніне арналған "Болашаққа ұмтылған ел" зияткерлік викторинасы түрінде "Мұра" әдеби клубының отырысы өтті.

Мақсаты: отансүйгіштік, азаматтылық, толеранттылық, тарихи өткенге деген мақтаныш сезімін, елдің болашағы үшін жауапкершілікті тәрбиелеу, студенттердің Қазақстан тарихына деген қызығушылығын дамыту.

Іс-шараны өткізу барысында "Қазақстан Республикасының Тәуелсіздігі", "Менің Қазақстаным", "Қазақстан жері" атты бейнефильмдер көрсетілді. Студенттер "Отан туралы мақал жина" байқауына белсенді қатысты.

Кітапхананың оқу залында "Менің елімнің тарихы" атты кітап көрмесі ұйымдастырылды.

Кабденова Г.М. – кітапхана меңгерушісі

Тәуелсіздік күні – тарихтың жүздеген беттері мен елге деген шынайы махаббат тоғысқан мереке.

2023 жылдың 14 желтоқсанында Бәйкен Әшімов атындағы Петропавл машина жасау және көлік колледжінде «Тарих пен тіл тамырлас» сынып сағаты өтті. Бұл іс-шараның негізгі мақсаты – азаматтық патриотизмді тәрбиелеу, өз елінің тағдырына жауапкершілік сезімін нығайту, өз халқының тарихына құрмет, өз еліне деген сүйіспеншілік және қазақстандықтардың әртүрлі салалардағы жетістіктеріне мақтаныш сезімін қалыптастыру.

Іс-шараға Л-12, ПО-12 топ студенттері қатысты. Іс-шара барысында Қазақстан туралы слайд-таныстырым, «Қазақстан бойынша саяхат» бейнематериалы, «Туған жер» әніне бейнеролик көрсетілді. Көрермендерге кітап көрмесі ұсынылды. Студенттер туған ел туралы өлеңдер оқып, қазақ тіліндегі мақал-мәтелдерді жақсы меңгергендерін көрсетті, викторина сұрақтарына жауап берді.

Қабденова А.Қ. – қазақ тілі мен әдебиеті пәнінің оқытушысы

2023 жылғы 12 желтоқсанда "Sana" әдеби-музыкалық клубы аясында өткізілген іс-шараларда көрсеткен белсенді азаматтық ұстанымы мен қазақстандық патриотизмі үшін "И.Шухов атындағы орталық қалалық кітапхана" КММ Байкен Әшімов атындағы Петропавл машина жасау және көлік колледжіне алғыс хат табыс етті.

"Sana" әдеби-музыкалық клубы жақсы және достық қарым-қатынастарды тәрбиелеудің, қазақ халқының салт-дәстүрлерін насихаттаудың, белгілі ақындар мен жазушылардың шығармашылық әлеуетін дамытудың қайнар көзі болып табылады. Сондықтан бұл клубтың мақсаты-жергілікті жазушылардың шығармаларын насихаттау және жастар арасында кітаптар мен музыкаға деген қызығушылықты ояту.

Қабденова Г.М. – кітапхана меңгерушісі